Bo día! Onte recibimos a visita dun nubeiro que veu montado nun nubinete , un patinete para nubeiros. O nubeiro chámase Anxo Moure e compartiu con nós unha chea de historias sobre os nubeiros, as xacias e outros seres máxicos. Aprendimos con el moitas palabras novas e recordamos a importancia de coidar dos nosos bosques, montes e ríos. Coñecía todos os nomes das árbores ! E contounos como fora a súa viaxe ata Padrón, que está ben lonxe da súa casa. Encantounos que viñera! Xa pasaran anos dende a súa anterior visita. Mentres esperamos pola seguinte, podedes seguir a ler os seus libros. Temos un bo feixe deles na biblioteca!