ARDALÉN. Miguelanxo Prado



Por un lado, o ardalén é "un vento ávrego (tipo de vento tépedo e húmido do sudoeste que trae as chuvias) que sopra desde o mar cara á terra. Segundo as crenzas populares, orixínase nas costas americanas, atravesa o Atlántico e chega ao sudoeste de Europa".

Por outro lado, en canto á memoria, Adolfo Bioy Casares afirma que son "as lembranzas que hai que cuidar porque son a vida de cada quen".

Sobre estes dous conceptos, memoria e vento, xira esta preciosa novela gráfica de Miguelanxo Prado que ven de facerse co premio á Mellor Obra de Autor Español na XXXI Edición do Salón Internacional do Cómic de Barcelona e que edita El Patito Feo (encargada de publicar a obra enteira de Prado en lingua galega).

"Ardalén", que levou facela tres longos e intensos anos, é unha xenialidade cargada de nostalxia e melancolía, unha preciosidade de elevado valor narrativo, gráfico e científico.

Non digo máis… lectura obrigada.




FICHA TÉCNICA:


ISBN: 978-84-939434-5-5.

Formato: 22 x 29,5 cm.

256 páxinas.

Encadernación: cartoné

Impresión a cor.

Prezo: 25.00 €

Comentarios