O cantante e guitarrista Santiago Ferragud, o produtor e guitarrista Isaac Garabatos, a cantante portuguesa Marlene Rodrigues, o baixista Blas Segura e o percusionista David Outumuro son o esquema musical que compón o proxecto Xardín Desordenado. Un conxunto de músicos que veñen de diferentes estilos (jazz, fado, blues) e que se asociaron co fin de percorrer librerías e bibliotecas en busca de textos para as súas músicas. Este feito pareceume tan bonito que decidín compartilo con vós.
Falo dun grupo que pon música a versos galegos de, por exemplo, Olga Novo, Álvarez Cáccamo, Daniel Salgado, Darío Xohán Cabana, Novoneyra, Chus Pato, Lucía Aldao, María do Carme Kruckenberg ou Luisa Castro.
En 2012 publicaron o seu primeiro disco, con textos de autores homes. Na actualidade, están preparando o segundo, con textos de mulleres.
Ahí vos van uns videos que mostran o que fan:
Comentarios
Publicar un comentario