A ectropía é a tendencia natural da enerxía para organizarse. Tamén é o
coherente nome elixido dun grandísimo disco de jazz
galego.
"Ectropía" (2014), cuarto disco de Xan Campos Trío (Xan Campos ao piano,
Horacio García ao baixo e Iago Fernández á batería), é pura
contemporaneidade, puro jazz ao servizo das vangardas. O rock
progresivo, a electrónica, a música clásica ou o pop son estilos que se
perciben ao longo das once cancións que compoñen o disco.
Unha música moi fresca, que abre o jazz á xente con outros gustos, que
conecta a formación académica co sentimento, que liga os dedos de Bill
Evans coas paisaxes tecnolóxicas de Radiohead ou a polivalencia de The
Bad Plus coa maxia de Herbie Hancock.
Para a prestixiosa revista estadounidense All About Jazz, son "como a
sacudida do primeiro café da mañá" e, para min, é un disco sinxelamente impresionante e moi
intenso. Que dicir da banda? Marabillosa!
Aquí vos queda un exemplo:
Aquí vos queda un exemplo:
Comentarios
Publicar un comentario