LE TABLEAU. Jean-François Languioinie

Ola!

Aquí tedes un filme marabilloso:

"Le tableau" (2011) é un filme de animación francés que narra as aventuras dunhas personaxes inacabadas que saen dun cadro abandoado en busca do seu artista para que lles dea o toque de pintura que lles falta.

Jean-François Languionie tece, cunha imaxinación desbordante, unha peli preciosa, con influencias no estético de Matisse, Derain e Bonnard, a través dun argumento agradable que afonda no asunto da loita de clases histórica.

Nominada a Mellor Filme nos Premios César, son setenta e seis minutos de desfrute e emoción.

Arte a través do cine. Impresionante!