MINIMALARIO. Pinto & Chinto

 

Pinto & Chinto recollen neste libro a fauna máis surrealista do mundo, animais comúns e, á vez, sorprendentes.

"Minimalario" é a suma de dous volumes anteriores publicados en Xerais ("Minimaladas" e "Novas minimaladas"), nos que se sumaban diferentes historias de animais. Está publicado na colección Sete Leguas da editorial Kalandraka, polo que o coidado da forma e do fondo está garantido.

Son 111 animais, 111 relatos, cada un co seu texto (tan só cinco ou seis liñas) e coas súas animadas ilustracións. Animais salvaxes, domésticos, vertebrados, invertebrados, voadores, terrestres ou acuáticos. O calamar feliz que soltaba tinta de cores, a vaca tola que daba leite de cabra, o galo que desafinaba, o lucecú sen luz, o camaleón que non sabía cambiar de cor, o tigre que era feble e moitos máis.

Un libro para ler, tocar, ver e case saborear.

FICHA TÉCNICA:

Editorial: Kalandraka.

Páxinas: 124.

Tamaño: 15 x 23'5cm.

ISBN: 978-84-92608-46-1.

Encadernación: cartoné.

Prezo: 15 euros.