Bos días!
A harpista máis célebre de Gales une forzas co senegalés virtuoso da
kora e o resultado é este "Clychau Dibon" (2013), unha preciosidade
instrumental como poucas, que aúna o son do oeste africano e as melodías
clásicas do norte de Europa.
Crean algo sublime, totalmente moderno, algo senlleiro, é dicir, dúas
culturas con arraigo e moita historia collidas da man no sendeiro do
lirismo musical.
Sete cancións longas e moi desfrutables, oníricas, orgánicas, agradables, máxicas.
Nese lugar onde frío e calor se xuntan, nese espazo onde raza branca e
negra se expanden, nese momento de encontro espiritual, nese paraíso
sonoro é onde estamos con este excelente disco. Un exemplo de convivenvia harmónica.
Catrin Finch e Seckou Keita… vaia par deles!
Aquí un vídeo de mostra do que fan:
Aquí un vídeo de mostra do que fan:
Comentarios
Publicar un comentario