Como vai iso?
Sete Premios César, Sección Oficial de Cannes, Nominada a Mellor Filme
de Fala Non Inglesa nos Oscar, Mellor Director no Festival de Chicago…
"Timbuktu" (2014) é un filme de Mauritania dirixido por Abderrahmane
Sissako que conta como unha familia en concreto, e moitas outras en
xeral, se ven sometidas aos ditames duns extremistas relixiosos que se
asentan na cidade maliense de Tombuctú aplicando tribunais improvisados
que acatan leis e castigos absurdos e moi tráxicos.
Profundamente emocionante, provoca a desesperación e o enfado no
observador que ten un pouco de sentido común e fire amosando as
incoherencias e o salvaxismo dos extremismos islámicos.
Unha peli moi humanista, política, neorrealista, sinxela, onde a figura, forza e intelixencia feminina queda por encima de todo.
Moi recomendable peli dirixida aos docentes e a calquera persoa que queira entender o que sucede hoxe en día sen caer nos tópicos dos medios de comunicación de masas.
Comentarios
Publicar un comentario