ISTEEF

Ola compis!

Aquí tedes outro exemplo dun artista que fai cousiñas guais empregando alimentos.

Non fai moito tempo coñecín a este artista a través de Instagram (para algo tiña que valer!) e a verdade é que me sorprendeu bastante o corpo do seu traballo e o divertido que parece. 

No seu perfil desta rede social faise chamar Isteef, mais en realidade chámase Stephan Brusche e é holandés. 

Todo comezou un día que, nun descanso na oficina, decidiu debuxar unha cara no plátano que traía para comer a media mañá. para colgalo na rede e compartilo cos seus amigos. Imaxino que a foto tivo bastante éxito e iso animouno a seguir colgando outras imaxes.

Brusche alucinou co fácil e desfrutable que era debuxar na pel dos plátanos e optou por tomalos como o seu soporte, o seu medio para chegar ao maior número de xente posible.

E que queredes que vos diga, paréceme unha idea moi divertida e diferente, amable, fresca e vistosa.

Pero o certo é que non só debuxa na froita (non só fai cousas en plátanos, a veces traballa con kiwis, peras, mazás, mandarinas…), senón que tamén crea esculturas con determinados cortes que executa na pel.

Descubride o mundo amarelo e nutritivo de Isteef!

*Para coñecelo mellor, visitade a súa web ou o seu instagram. Mentres tanto, déixovos cun adianto: