Ola!
"Zoom" é un
libro absolutamente marabilloso. Unha idea simple, sinxela e
contundente, ben levada a cabo cunhas ilustracións firmes, cheas de
cores e cunha trama que vai saíndo soa, fluíndo como a auga dun
río.
Para min, sen dúbida ningunha, un dos mellores libros infantís
que coñezo.
Coñecino no Curso de
Bibliotecas Escolares do 2015 a través dunha ponente arxentina que
me descubriu unhas cantas obras interesantísimas. Ah! Que non sabiades que os alces podemos ir a cursos de formación? Pois sí! Non somos moitos pero algún hai...
Sorprendeume o
formato, máis pequeno do que me parece o ideal (tipo álbum sería
máis desfrutable) pero tan fermoso e sorpredente como agardaba.
A cousa trata dunha historia que vai transcurrindo a medida que a cámara se vai separando e precisamente de aí o título do libro: "Zoom".
Unha chulada ben grande
que pode lerse de diante para atrás ou ao revés.
FICHA TÉCNICA:
Editorial: S.L. Fondo de Cultura Económica de España.
Páxinas: 62.
ISBN.: 9789681649036.
Comentarios
Publicar un comentario