Bo día!
Na semana do Día do Libro queremos lembrar unha das obras máis importantes da literatura española e universal en toda a súa historia. Falo de "El ingenioso hidalgo don Quijote de La Mancha", máis coñecido como El Quijote. E neste 2016 está de actualidade, pois celébrase o 400 aniversario da morte do seu creador, o xenial Miguel de Cervantes.
Un libro extraordinario, cargado de simbolismos, moi imaxinativo, con moitas doses de humor, que parodia á sociedade da época, cunha linguaxe moi real e propia da oralidade e cuns interesantísimos xogos de metaficción.
É un dos libros máis traducidos da historia e ese representa un dato moi significativo acerca do interesa que levanta ao longo do planeta, así como da súa calidade literaria.
Esta semana estamos facendo no cole unha actividade de lectura colectiva e debuxo imaxinado sobre diferentes textos do libro. Estas ilustracións feitas polos alumnos e alumnas exporanse nos Pasos Perdidos.
Un saúdo e gracias por estar ao outro lado lendo!
Comentarios
Publicar un comentario