Que tal?
Un libro, un amigo! E o de hoxe é unha chulada!
A autora Susana Isern volve a conquistarnos con este álbum ambientado nun bosque (como non podía ser doutro xeito!) e protagonizado por animais, tan presentes sempre na obra desta autora.
E Mar Ferrero tamén nos conquista co seu excelente e fino traballo nas ilustracións, cheo de pequenos detalles e cun uso das cores maxistral.
Texto e debuxo en absoluta coherencia, coordinados, collidos da man para facernos desfrutar sen límites.
Partindo dun encontro fortuito, propiciado polo mal tempo, esta historia amosa que con pouco pódese facer moito, á vez que resalta o valor das pequenas cousas e, sobre todo, da amizade, algo que deberiamos coidar moito e regar todos os días con agarimo.
Ler é algo marabilloso! E todos sabemos facelo! Non é algo grandioso?
FICHA TÉCNICA:
Editorial: OQO.
ISBN: 978-84-9871-526-2.
Páxinas: 36.
Formato: cartoné.
Tamaño: 25x23 cm.
Comentarios
Publicar un comentario