ATLAS DEL MUNDO. UN INSÓLITO VIAJE POR LAS CURIOSIDADES Y MARAVILLAS DEL MUNDO. Aleksandra Mizielinska e Daniel Mizielinski

Ola outra vez!

Esta parella polaca formada por Aleksandra Mizielinska e Daniel Mazielinski crearon un tipo de atlas moi especial. Ademais dos datos habituais que aparecen neste tipo de libros (ríos, montañas, poboacións, cidadessuperficies...) introducen outro tipo de información como que comer ou os deportes típicos.

Obviamente, con esta idea, é doado caer nos tópicos, mais quen di que os tópicos non son divertidos? Ou que non reflexan boa parte da realidade?

O formato é como o de un álbum ilustrado, con 55 mapas a dobre páxina e cun estilo próximo ao cómic e, polo tanto, moi atractivo visualmente para o lector.

Xa leva vendidos máis dun millón de exemplares en 23 países diferentes, dato que deixa patente do interese dos nenos/as en concreto e das persoas en xeral por descubrir o mundo no que vivimos.

Por se fora pouco, esta obra gañou o Premio Andersen e máis outros nove premios internacionais.

46 países, 6 continentes e moitas curiosidades agardan por vós!





FICHA TÉCNICA:

Editorial: Maeva.
Encadernación: Cartoné.
Formato: 27'2x37cm.
Páxinas: 120.
ISBN.: 978-84-16363-46-9.