IV CENTENARIO DA MORTE DE MIGUEL DE CERVANTES

Boas amigos/as!

Temos nos Pasos Perdidos unha exposición sobre "El ingenioso hidalgo de Don Quijote de La Mancha", máis coñecido como O Quijote, como homenaxe ao seu creador, Miguel de Cervantes, no cuarto centenario da súa morte. 

Durante a semana do Día do Libro, o pasado mes de abril, fixemos unha lectura colectiva de diferentes partes do libro por niveis e, a partir desa lectura, o alumnado tivo que facer debuxos sobre o relato. Desta maneira, a partir dunha lectura comprensiva e coa imaxinación como motor da acción, quedaba ilustrada cronoloxicamente a historia do fidalgo.



Aquí vos deixo algunhas fotos da expo, mais non dubidedes en pasarvos para vela en vivo e en directo.