Ola compis!
"Sleep" (2015) é
a agradable e terapéutica animalada de oito horas de duración que o
compositor británico Max Richter creou con diferentes fines. Por un
lado, está esa "invitación a soñar" que suxire o autor
e, por outro, o desfrute atento duns sons slow-motion que hibridan a
música electrónica coa orquestral.
É un álbum que reflexa
os ciclos naturais do sono e que convirte esta acción (ou non
acción) en arte a través de trinta e unha pezas ininterrumpidas. O
bo é que este disco pode manipularse ao antollo do consumidor, ben
sexa de forma continua e sen descanso ou parando cando se desexe.
Un lugar moi pracenteiro
ao que acudir voluntariamente, para tomar aire, para concentrarse,
para desconectar, para amar, para chorar, para mirar ou para durmir.
Para mostra déixovos a versión corta de case sesenta minutos. Tempo de relaxarse:
Comentarios
Publicar un comentario