BEAR STORY. Gabriel Osorio Vargas

Ola miñas parrochas!

"Historia de un oso (Bear Story)" (2014) é unha curta chilena de animación que se fixo co premio Oscar na súa categoría, ademais de outros cincuenta galardóns en moitos outros festivais de cine. Un filme xenial, que dura só once minutos e que narra cunha profunda amabilidade un duro suceso na vida dun oso.

Gabriel Osorio Vargas dirixe esta historia con altas doses de emoción e sentimento, inspirada na amarga historia de Chile e no exilio forzado que viviu o avó do artista durante a dictadura. É unha alegoría da sociedade do medo que instaurou Pinochet. A mensaxe que transmite é moi poderosa, homenaxeando a memoria histórica dos esquecidos e reflexando un futuro onde a soedade resulta moi mala compañeira.

Esta historia queda na retina do espectador durante un tempo e na memoria de forma indefinida. Estamos ante unha obra de elevada e xusta beleza.  

Védea! Facédeme caso!



Para saber máis pinchade aquí.
E para ver a peli aquí.