UN PASEO POLA FLAVIOTECA

Ola, son Ef!

Hoxe quero dar unha voltiña pola biblioteca do colexio para que vexades como está e cantas cousas levades feitas este curso.

Dende o ano pasado temos un RECANTO DA LUZ, que estades aproveitando moi ben nos recreos e nas visitas á biblioteca para ler, pensar, facer crebacabezas, compartir un xogo de mesa... De feito, penso que hai uns grandes axedrecistas no Flavia, a que si?

Tamén estiven vendo que nos recreos moitos vos animades a estar na sala de lectura e na zona de consulta do ordenador.

E encantoume saber que este ano imos ir todos por Europa! Xa vin que quedáchedes moi guapos e guapas poñendo a vosas caras no EF xigante. Que divertido! 

Tamén vin que levades ata ás vosas casas as mochilas viaxeiras e que ides completar uns fermosos diarios nos que saio retratado. Seguro que van quedar perfectos!

E aínda por riba estades levando a lectura por todo o colexio, visitando outras aulas para lerlles aos compañeiros doutros cursos. Ata viñeron ao Flavia varios rapaces e rapazas do instituto para ler!