OS DOODLES

Ola! Sabedes o que é iso de aí enriba? É un doodle.

Os doodles son os cambios que se realizan no logotipo de Google para conmemorar festividades, aniversarios e as vidas de persoas célebres do mundo das artes e da ciencia.

Polo Día de San Patricio

Adicado a John Fitzgerald Kennedy

Adicado a Audrey Hepburn

Adicado a Roald Dahl

Estas animacións e debuxos comezaron como unha broma, xogando co nome da empresa, pero co tempo, remataron por ser unha parte esencial das buscas en internet.

A demanda de doodles aumentou tanto a nivel internacional que agora hai todo un equipo de enxeñeiras/-os e ilustradoras/-es adicados a eles. Chámanlles doodlers e consiguen que haxa millóns de usuarios en todo o mundo que preman nas animacións que deseñan. A verdade é que moitas ben o merecen!