DÍA DAS BIBLIOTECAS

Que tal?

Mañá, día 24 de outubro, é o Día das Bibliotecas e, na Flavioteca, celebramos ademais o aniversario de Ef. 

Este curso non podemos xuntarnos todos para cantarlle e soprar as candeas, pero podemos celebralo recordando que as bibliotecas sempre están aquí, incluso en tempos de pandemia. 

Están ao ladiño, con nós, para achegarnos historias, coñecementos, poemas, filmes, cancións,  contos... 

Por iso está moi ben que non esquezamos o lema deste ano nas bibliotecas españolas: SEMPRE AO TEU CARÓN.

Bicos de parte de todos os alces e parabéns para Ef, que xa ten un aniño máis e vai medrando na vosa compañía.